خمسة ديال الحْوَايج خاصك تعرف على داك العقل عندك

Photo © Neuron 

فراسك عقلك كَيْميل بزاف لعينيك؟

واحد جماعة العلماء الأوروبيين قاموا بواحد الدراسة علمية. عيْطو لواحد جماعة المختصين فالنَبيذ (دُواقا ديال الخمر) ، و عطاوهم إذوقوا نبيذ أحمر و نبيذ أبيض. هاد المختصين عندهم فالميدان ديالهم مفردات لغوية خاصة بالنبيذ الأحمر ومفردات لغوية خاصة بالنبيذ الأبيض.

العلماء الأعزاء خداوْ نبيذ أبيض و لونوه بصبغة حمراء، ولكن المذاق بقى هو مذاق نبيذ أحمر (هدشي بلا مايْعرفو الذواقا ) .حتى حاجة

فاش جاوْ الذواقا ديالنا، ذاقو هاذ النبيذ المزيف، و كلهم بذون استثناء استعملوا فالوصف ديالهم المفردات اللغوية الخاصة بالنبيذ الأحمر. هاذ النتيجة خلات العلماء يستنتجوا أن حاسة البصر كَتْهَيْمن على تصورنا للعالم، و أكثر من ذلك، كَتْسَيْطر على كل الحواس الأخرى بدليل أنها كتمثل نصف النشاط العقلي ديالنا.

ها علاش خاصك تحرك

كاين فينا لي تيفكر بزاف، كي خدّم عقلو بزاف، ولكن مكي تْحَركش. ديما جالس. هاد الناس خاصهم إعرفوا بأن الرياضة كيفما كانت كتحسن من القدرات العقلية زيادة على تحسين الجسم داخليا وخارجيا.

إلا بغيتي تولي دماغ، نوض تحرك.

الستريس آلخُّوت

كاين اللي كايْستريسي قبل امتحان، كاين اللي كايْستريسي قبل ماي دوي قدام الناس، والأكثرية  كانستريسيو بقوة التخمام و صافي. آه بصح، كاين الستريس اللي تيكون إيجابي، وكاين ستريس مرضي اللي تَنلقاوْ عند أغلب الناس.

عندنا واحد الهرمون (الكورتيزول)، كَيْكثر بقوة الستريس، و إلا كْثر كيكثروا اضطرابات، غابا ما كيضَهْوْرُوا شي مناطق عقلية، و هذا يؤدي إلى أعراض كالكآبة، انهيارات عصبية و عجز الوظائف العصبية كظهور مرض آلزْهَيْمر.

أهمية النعاس

آه هذي عجباتكم،

كل واحد عَقلو مختلف، وكل واحد على حسب عقلو محتاج لواحد « إِِكس »  ساعة النعاس فالنهار. المشكلة هي بعض المرلت كَنْصَهرو بزاف.

الحقيقة المثبوثة علميا هي أن إلا نعستي نسبيا أقل من 6 ساعات فالنهار، كَتْضَهور الصحة ديالك: التركيز كَيْنقص، الذاكرة مكَتْبْقاش تشد مزيان، جهاز المناعة كَيْضعاف، كَتولّي تاكل بلا فائدة، : كتشرف دغيا، كترتافع نسبة خطر الإصابة بأمراض كمرض السكر، أمراض القلب، السرطان، إلخ.

العقل الأنثوي والعقل الذكري

آه، خَصْنا نعْتارفوا بأن كاين اختلاف بين العقل الأنثوي والعقل الذكري. هذا شيء مثبوث علميا بحيث الإختلاف سائد فطريقة العمل و مَشِي المكونات. واحد الدراسة علمية بينات أن العقل الأنثوي كَيخدم أحسن فميادين محتاجة لتركيز بزاف، و الميادين الخاصة بالذاكرة، المشاعر و اتخاذ قرارات، أما بالنسبة للعقل الذكري فكَيْخْذم أحسن فإدراك الفضاء، ولا فمياذين كَيْخدموا سرعة التنفيذ الحسية.

هَدشي لا يبين أن واحد ذكي على الآخر وْلاَّ واعر عليه، بل الاختلاف سائد فطريقة العمل للعقل – و ضروري أنْلقاو استثناءات.

تْهلاوْ فعقلكم، و غَدِيوْه مزيان.

من هنا لْهِيه، نتْشَاوفُوا من وْرَا الحِيط

---

Sources:

• Etude à la Warwick Medical School – Francesco Cappucccio.
• Les 12 lois du cerveau – Jhon Medina.
• Scilogs.fr – Cerveau d’homme, cerveau de femme: les différences observées au scanner.